हरिवन-नीजि तथा आवासिय बिध्यालयको छाता संगठन प्याब्सन एरिया ‘बि’ को आयोजनामा प्रथम गायन प्रतियोगिता २०७९ सम्पन्न भएको छ ।
शनिवार हरिवन नगरपालिका स्थित सगुन सहकारीको सभाहलमा पहिलो गायन प्रतियोगिता सम्पन्न भएको हो । प्याब्सन एरिया ‘बि’ अन्तरगतका ८ वटा बिध्यालयका छात्र छात्राहरुको सहभागितामा प्रतियोगिता सम्पन्न भएको आयोजकले प्याब्सन एरिया ‘बि’ ले जनाएको छ ।
प्रतियोगितामा प्राथमिक तह र माध्यामिक तह गरी दुई तहका बिद्यार्थीहरुको छुट्टा छुट्टै सहभागिता रहेको कार्यक्रमका सभाध्यक्ष प्याब्सन एरिया ‘बि’ सचिव सुदर्शन पोखरेलले जानकारी दिए । प्रतियोगितामा प्राथमिक तह तर्फ एलिट बोडिङ स्कुलकी आयुसा लामा प्रथम हुन सफल भएकी छिन् ।
यस्तै बाल निकेतन बोडिङकी जस्मिन जिम्बा द्वितिय र शिशु प्रज्ञा सदनकी सपना भण्डारी तृतिय हुन सफल भईन् । साथैै मध्यामिक तह तर्फ सर्लाही एम्बिसनकी सिता माया घिसिङ प्रथम, एलिट बोडिङ स्कुल बागमतीका दिपेन स्यांतान द्वितिय र सनराईज सेकेन्डरी स्कुल हरिवनकी आशिका लोप्चन तृतिय हुन सफल भएकी छन् ।
विजेता बिद्यार्थीहरुलाई कार्यक्रमका प्रमुख अतिथि हरिपुर नगरपालिकाका मेयर गोपाल पंजियारले शिल्ड तथा प्रमाण पत्र वितरण गरे । प्याब्सनको नियमित अतिरिक्त कृयाकलाप अन्तरगत गायन प्रतियोगिता आयोजना गरिएको प्याब्सन एरिया ‘बि’ ले जनाएको छ । प्रतियोगितामा भरत पुलामी, गंगा लामा र तेज नारायण आले निर्णयकमा रहेका थिए ।
प्याब्सन हरिवनका सचिव पोखरेलको अध्यक्षतामा भएको कार्यक्रमको औपचारिक समारोहमा हरिवन नगरपालिकाका मेयर रमेश बुढाथोकी(कमल), प्याब्सन जिल्ला अध्यक्ष निर्मल आचार्य, प्याब्सन प्रदेश सहसचिव मनोज थापा लगाएत विभिन्न बिध्यालयका प्रधानाध्यापक तथा संस्थापकहरुको समेत सहभागिता रहेको थियो ।
