लालबन्दी–सर्लाहीको लालबन्दीमा सरसफाई तथा रक्तदान शिविर सम्पन्न गरिएको छ ।
६७ औँ प्रहरी दिवसको अवसर पारेर शनिवार लालबन्दी नगरपालिका–७, स्थित पुर्व पश्चिम राजमार्ग सगैँ रहेको ढुमढुमे मन्दिर परिसरमा सरसफाई कार्यक्रम सम्पन्न गरिएको हो । कार्यक्रममा लालबन्दी जेसिज र मेची महाकारी बुहारी समुहका पदाधिकारी र प्रतिनिधिहरुको समेत सहभागिता रहेको ईलाका प्रहरी कार्यलय लालबन्दीले जनाएको हो ।
प्रहरी दिवसको अवसरमा जिल्ला प्रहरी सहित सम्पुर्ण प्रहरी यूनिटहरुले विभिन्न कार्यक्रमहरु गरेका छन् । २९, ३० र ३१ गते तिन दिन सम्म सन्चालन हुने कार्यक्रममा बृक्षारोपण, सचेता मुलक र्याली लगाएतका गतिविधि गरिने जिल्ला प्रहरी कार्यलय सर्लाहीले जनाएको हो । ईलाका प्रहरी कार्यलय लालबन्दीका निमित्त प्रमुख बरिष्ठ सई जितेन्द्र प्रसाद चौधरीको नेतृत्वमा कार्यक्रम सम्पन्न भएको थियो ।
यस्तै सर्लाहीको लालबन्दीमा रक्तदान शिविर संचालित भईरहेको छ ।
लालबन्दी नगरपालिका–७, मा दुई वटै लायन्स क्लवको सम्युक्त आयोजनामा रक्तदान शिविर संचालन भईरहेको हो । लायन्स क्लव लालबन्दी सेन्चुरी र लायन्स क्लव लालबन्दी सिटिको सम्युक्त शिविरमा यो समाचार तयार गर्दा सम्म ५० जना भन्दा धेरैले रक्त दान गरेका आयोजकले जनाएको हो ।
क्लवले रक्तसंचार केन्द्र जनकपुर र मातहतका कार्यलयहरुमा रगतको अभाव हुन नदिन नियमित रगत संकलन शिविर संचालन गर्ने गरेको छ । क्लवले बार्षिक क्यालेन्डरमै उल्लेख गरेर शिविर संचालन गर्ने गरेको क्लवका पुर्वअध्यक्ष सन्तोष पौडेलले जानकारी दिए ।
शिविरमा नगरका जनप्रतिनिधि लगाएत स्थानीयको सहभागिता रहको क्लवले जनाएको हो ।
