लालबन्दी-सर्लाहीमा चर्को ब्याज असुली गरेको भन्दै उद्योगी, ब्यावसायी आन्दोलित भएका छन् ।
बुधवार जिल्लाको लालबन्दी नगरपालिका स्थित उद्योगी ब्यापारीहरु शान्तिपूर्ण आन्दोलनमा उत्रिएका हुन् । उद्योग वाणिज्य संघ लालबन्दीको अगुवाईमा ब्यापारीहरुले बैँक तथा बित्तिय संस्थाहरुले असुरिहेको चर्को ब्याजदर घटाउन मागँ गरे । उनीहरुले कारोवारको आधारमा कर्जा दिने प्रावधान संशोधन गर, ‘ओभर ड्राफ्ट लोन’ यथावत राख, जिन्सी निर्यात बढाउ, नगद निर्यात बन्द गर, एलसीको सतप्रतिशत मार्जिन खारेज गर, लगाएतको नारा लेखिएको प्लेकार्डका साथ प्रदर्शन गरेका हुन् ।
मुख्य बजार क्षेत्रबाट निस्किएको ¥याली जनवादी चोक, डुमडुमे पुल हुदै ट्राफिक बिट अघि पुगेर कोण सभामा परिणत भएको थियो । कोण सभालाई उद्योग वाणिज्य संघ लालबन्दीका अध्यक्ष दिपेन्द्र बलम्पाकी, होटल व्यवसायि संघका अध्यक्ष हिराकाजी योन्जन, उद्योग वाणिज्य संघ लालबन्दीका निर्वतमान अध्यक्ष कल्याण कुमार जोसी लगाएतले सम्बोधन गरे । उद्योग वाणिज्य संघ लालबन्दीका अध्यक्ष बलम्पाकीले अहिलेको अवस्थामा चुप लागेर बसे रोडमा पुग्ने अवस्था आउने बताए ।
ब्यापारीका पीर मर्का नबुझी बैंकहरुले १० प्रतिशतमा लिएको ऋण १८ प्रतिशत सम्म ब्याज लिएर ६० प्रतिशत सम्म नाफा आर्जन गरेर कालोबजारी गरेको उन्को आरोप थियो । कतिपय ऋण लिएका ब्यवसायी बैंकले दिएको तनावका कारण हतोत्साहित भएका र कतिपयले आत्महत्या समेत गरेको उन्को दावी थियो । मूल्य वृद्धिका कारण व्यावसाय चल्न नसकेको अवस्थामा बैंकले ब्याजदर बढाउनु दुःखको कुरो भएको उनीहरुको तर्कछ ।
ऋण लिदा भएको सम्झौता विपरित ब्याजदर बढाउँदै लैजाने बैंक तथा वित्तिय संस्थाहरुको जालझेलले ब्यापारी पलायन हुने र डिप्रेसनमा जाने सम्भावना बढेको ब्यावसायीको गुनासो थियो । बैंकहरुले ऋणीलाई ब्याज निर्धारण गर्दा तोकेको प्रिमियम दरमा परिवर्तन गर्न नपाउने नीति भएपनि बैंकले मनपरि गर्दै आएको ब्यवसायीहरुको आरोप छ ।
२० प्रतिशत मात्र ऋण लगानी गर्ने नेपाल राष्ट्र बैंकको पछिल्लो नीतिनै ब्यावसायीहरुलाई अप्ठ्यारोमा पार्न बनाईएको उनीको भनाई छ ।
