रेडक्रस सोसाईटी उपशाखा राजघाटको सभापतिमा पुनः रिखिश्वर शर्मा चयन भएका छन् ।
शनिवार सर्लाहीको बागमती नगरपालिका स्थित शाखा कार्यलय प्रांगणमा भएको भेलाले शर्माको अध्यक्षतामा नयाँ कार्यसमिति चयन गरेको हो । रेडक्रस सोसाईटी जिल्ला शाखा सदस्य गंगाधर मैनालीको प्रमुख आतिथ्यतामा भएको भेलाले शाखाका ११ सदस्य नयाँ कार्यसमिति चयन भएको छ ।
यस्तै शाखाको उपसभापतिमा सावित्रा भण्डारी, सचिवमा शिव बहादुर पुलामी, कोषाध्यक्षमा ईन्द्र प्रसाद पोखरेल, सहसचिवमा कृष्ण प्रसाद मैनाली, सहकोषाध्यक्षमा सुब्बा दहाल र सदस्यहरुमा पशुपती कार्की, अमृत महतो, मान बहादुर राणा, लक्ष्मि अधिकारी र यसोधा घिमिरे चयन भएका छन् ।
निर्वाचन समितिका संयोजक राजकिसोर पण्डितले नयाँ कार्यसमितिलाई अबिर लगाएर चयन भएको घोषणा गरेका कार्यक्रम संचालक सन्त बहादुर बिश्वकर्माले जानकारी दिए । सोही कार्यक्रमका विच रेडक्रस सोसाईटी राजघाट शाखाका ६ जना जेष्ठ आजिवन सदस्यलाई सम्मान समेत गरिएको थियो ।
कार्यक्रमका प्रमुख अतिथी मैनालीले जेष्ठ आजिवन सदस्यहरुलाई दोसल्ला ओढाएर सम्मान गरेका हुन् । सम्मानित हुनेहरुमा भक्त बहादुर राई, जर्नाजन मैनाली, नरबहादुर बुढाथोकी, राम बहादुर कार्की, हेम कुमारी घिमिरे र पदम कुमारी दहाल रहेका रेडक्रस सोसाईटी राजघाट शाखाले जनाएको छ ।
यस शाखाले बेला बेलामा रंक्तदान, स्वास्थ्य शिविर लगाएतको कार्यक्रम संचालन गर्दै आईरहेको छ ।
