राधेश्याम कुशवाहा– चक्रघट्ट, सर्लाहीको चक्रघट्टमा विपन्न परिवारका बालबालिकाहरुलाई स्वीटर वितरण गरिएको छ ।
शुक्रवार चक्रघट्ट गाउँपालिका–५, पडरियाका १५ बालबालिकाहरुलाई जनशक्ति युवा क्लबले स्वीटर वितरण गरेको हो । केही दिन यता जिल्लामा बढ्दै गएको चिसोका कारण प्रभावित भएका विपन्न बालबालिकाहरुलाई न्यानो प्रदान गर्न स्वीटर वितरण गरेको क्लबका अध्यक्ष धिरेन्द्र ठाकुरले जानकारी दिए । कठ्यांग्रिदो चिसोमा न्यानो स्वीटर पाएपछि बालबालिका दंग परेका थिए ।
न्यानो कपडाको अभावमा बालबालिका कठयांग्रियको देखेपछि थोरै भएपनि सहयोग गरौँ भनेर साथिहरुबाट जम्मा भएको पैसाबाट स्वीटर खरित गरे वितरण गरेको अध्यक्ष ठाकुरले बताए । चिसोले कठ्यांग्रियर मर्ने अवस्था आउदा समेत कसैले वास्ता नगरेको भन्दै स्थानीयले यूवाहरुको कार्यको प्रसंसा समेत गरे । स्वटर वितरण गर्न पुगेका क्लवका यूवाहरुलाई स्थानीयले धन्यवाद समेत ज्ञापन गरे ।
आफुले सकेको सहयोग गरेर समाजका केही बालबालिकाको भएपनि मुहारमा खुसी ल्याउन सकेको उनीहरुको कथन थियो । यस्ता विपद्को समयमा समाजका सबै समुहले समस्यामा परेका परिवारलाई सकेको सहयोग गर्नु पर्नेमा उनीहरुको जोड थियो । उनीहरुले चिसोबाट बच्न अपनाउनस पर्ने साबधानीको बारेमा समेत स्थानीयलाई सचेत गराएका थिए ।
क्लवका अध्यक्ष ठाकुरको अध्यक्षतामा सम्पन्न स्वीटर वितरण कार्यक्रममा क्लबका सदस्य धिरज यादव, सुरेन्द्र राम, बेचन पण्डित, स्थानीय भद्रभलाद्मी, नागरिक समाजका अगुवा, जनप्रतिनिधि स्थानीय लगायतको उल्लेख्य सहभागिता रहेको थियो ।
