बागमती–सर्लाहीको बागमती नगरपालिकाले ल्होछारको अवसरमा चार दिन स्थानीय बिदा घोषणा गरेको छ ।
पालिकाले आइतबार सूचना जारी गर्दै तामाङ समुदायको महान पर्व मञ्जुश्री सम्वत् २८६१ डुल÷सा पुख्री ल्हो सोनाम ल्होछारको अवसरमा चार दिन सार्वजनिक बिदा रहेको घोषणा गरेको हो । जारी सूचनामा भनिएको छ, माघ १५ गते भोलि देखी माघ १८ गते सम्म स्थानीय विदा रहेकोले नगरपालिका मातहतका सम्पूर्ण सार्वजनिक सङ्घ संस्था शैक्षिक संस्था तथा कार्यालयहरू बन्द रहने जानकारी गराउछौँ ।
तामाङ समुदायको महान पर्व मञ्जुश्री सम्वत् २८६१ डुल÷सा पुख्री ल्हो सोनाम ल्होछारको अवसरमा सम्पूर्ण नगरवासीहरूमा शुभकामना समेत व्यक्त गरिएको छ । यस्ता चाडवाडले समाजमा रहेका विभिन्न जातजाति र समुदायमा आपसी सद्भाव र भाइचारा कायम गर्न मद्दत पुग्ने नगरका कार्यवाहक मेयर कृष्ण लामाले बताए ।
