बलरा– सर्लाहीको बलरामा रथको ठक्करबाट एक बालिकाको ज्यान गएकाे छ ।
बिहीबार विवाहमा दुलाह बोक्न प्रयोग हुने बीआर ०६ पी २६६२ नम्वरको चारचक्के रथले ठक्करबाट बलरा नगरपालिका–३, निवासी विसुन रायकी छोरी ३ वर्षकी सोहानी कुमार रायको मृत्यु भएको हो । बालिकालाई बलरा नगरपालिका–२, हथियौलस्थित घर अगाडि खेलिरहेका बेला हथियौलबाट जमुनियातर्फ जाँदै गरेको रथले ठक्कर दिएकाे थियाे ।
घाइते बालिकाकाे उपचारकाे लागी भारतकाे एक अस्पतालमा पुर्याए पछि चिकित्सकले मृत घाेषणा गरेका थिए । दुर्घटनापछि रथ प्रहरीले नियन्त्रणमा लिएको छ । फरार रहेका चालकको खोजी भइरहेको प्रहरीले जनाएको छ । गएसाँझ भएको दुर्घटनामा मृत्यु भएकी बालिकाको शव आज प्रादेशिक अस्पताल मलङ्गवामा पोष्टमार्टमपछि परिवारले बुुझेर लगेका छन् ।
